திண்ணம் அழியா, வண்ணந் தருமே,1
தருமே நிதியும். பெருமை புகழும்
கருமா மேனிப், பெருமா னிங்கே,2
இங்கே யமரர், சங்கந் தோன்றும்
மங்கும் தீமை பொங்கும் நலமே.3
நலமே நாடிற், புலவீர் பாடீர்;
நிலமா மகளின், தலைவன் புகழே.4
புகழ்வீர் கண்ண்ன்,தகைசே ரமரர்
தொகையோ டசுரப், பகைதீர்ப்பதையே 5
தீர்ப்பான் இருளைப் பேர்ப்பான் கலியை
ஆர்ப்பா ரமரர், பார்ப்பார் தவமே.6
தவறா துணர்வீர், புவியீர் மாலும்
சிவனும் வானோர், ஒன்றே 7
ஒன்றே பலவாய், நின்றோர் சக்தி
என்றுந் திகழும் குன்றா வொளியே 8
